Шахтинск қалалық «Нұр» мешітінің имамы Мәулен Әбілхайыр Кәсенұлының ұйымдастыруымен қала тұрғындары мен жамағатқа арналған «құрма мен су» үлестіру қайырымдылық іс-шарасы өтті.

Игі іске мешіт қызметкерлері мен шәкірттері белсене атсалысып, жамағатқа ауызашарға құрма мен су таратты. Бұл бастама қасиетті Рамазан айында ораза ұстаған жандарға қолдау көрсету, ауыз ашудың сауапты амал екенін насихаттау мақсатында ұйымдастырылды.

Іс-шара барысында мешіт қызметкерлері тұрғындармен жылы жүздесіп, Рамазан айымен құттықтады. Қала тұрғындары мен жамағат бұл игі бастамаға ризашылықтарын білдіріп, ұйымдастырушыларға алғыс айтты.

ҚМДБ Қарағанды облысы өкілдігінің баспасөз қызметі