Қайырымдылық – игіліктің бастауы. Осындай ізгі амалдардың бірі Бұқар жырау ауданы, Үштөбе ауылында жүзеге асырылып, 10 отбасыға азық-түлік үлестірілді.

Игі іс-шараны Үштөбе ауылының «Қажыбай қажы» мешітінің имамы Нығыман Жандос Әшімұлы ұйымдастырып, көмекке мұқтаж жандарға қажетті азық-түлік өнімдері жеткізілді. Бұл сауапты амал әлеуметтік жағдайы төмен отбасыларға қолдау көрсетіп, олардың Рамазан айын қуанышпен өткізуіне септігін тигізді.

Осындай қайырымдылық шаралары мұсылман қауымының бірлігін нығайтып, мұқтаж жандарға көмек көрсету дәстүрін жалғастыруға үндейді. Алла Тағала жасаған ізгі амалдарды қабыл етіп, сауаптан жазсын!

ҚМДБ Қарағанды облысы өкілдігінің баспасөз қызметі