Топар кентінде «Топар бас энергия тарату станциясы» ЖШС-ның басшысы Темірлан Исатайұлының бастамасымен ауызашар дастарханы ұйымдастырылды.

Іс-шараға жергілікті жамағат пен мекеме қызметкерлері қатысып, берекелі кештің куәсі болды. Абай ауданының әкімі Сәбит Темешұлы мен аймақтық «Жұмабек Тәшен» мешітінің имамы Мурсали Қаленұлы жамағатқа ізгі тілектерін білдіріп, «Құранға құрмет» тақырыбында насихат айтылды.

Сонымен бірге аймақтағы 20 отбасыға «Рамазан қоржыны» үлестірілді.

ҚМДБ Қарағанды облысы өкілдігінің баспасөз қызметі