Қазақ дәстүрінде ерекше орын алатын маңызды жоралғылардың бірі – тұсаукесер тойы. Шілдехана мен бесік тойдан кейін аталып өтетін бұл дәстүр баланың алғашқы қадамдарын қолдап, «тез жүріп кетсін», «қадамы нық болсын» деген ізгі тілектермен жасалады.

Осы мақсатта Қарағанды облысы, Абай аудандық мәдениет үйінде тұсау кесу рәсімі өтті.

Дін мен дәстүр үндестігі аясында ұйымдастырылған шараға аудан имамы Асхат Қанайұлы арнайы қатысып, ізгі лебізін білдірді. Қасиетті Рамазан айының құрметіне орай Құран оқылып, ата-баба рухына дұға бағышталды.

ҚМДБ Қарағанды облысы өкілдігінің баспасөз қызметі