Теміртау қалалық орталық «Әлихан Бөкейхан» мешітінің наиб имамы Марат Байбулатов ауызашар уақытында жамағатқа «Дін мен дәстүр» тақырыбында уағыз айтты.

Наиб имам ауызашарда Ислам мен ұлттық дәстүрдің үйлесімділігін атап өтіп, дініміздің өмір салтымызға бағыт-бағдар беретінін түсіндірді. Сонымен қатар дәстүріміздің мұсылман дініне сай болуы халықтың рухани байлығын арттыратынын атап өтті.

Сондай-ақ Исламның ұстанымдары мен қазақ халқының дәстүрлері арасындағы байланыс пен өзара құрметтің маңыздылығын айта келе, дін мен дәстүр үйлесімде болғанда ғана қоғамда бірлік пен татулық нығаятынын тілге тиек етті.

ҚМДБ Қарағанды облысы өкілдігінің баспасөз қызметі