Теміртау қалалық орталық «Әлихан Бөкейхан» мешітінің наиб имамы Махмутұлы Нұрмуханбет тарауих намазынан бұрын жамағатқа «Білімді оқып, іздену де – құлшылық» тақырыбында терең мағыналы уағыз айтты.

Имам өз сөзінде білімнің адам өміріндегі орны мен маңызын ерекше атап өтіп, білім алудың құлшылықтың бір түрі екенін түсіндірді. Сондай-ақ, Пайғамбарымыз (с.а.с.) «Білім іздену әр мұсылманға парыз» деген хадисін еске салып, білімнің тек ақыл-ойды жетілдіріп қана қоймай, адамның рухани дүниесін де байытатынын жеткізді.

Әрбір білім ізденген жанның жүрегі Алланың нұрымен толып, өмірі мән-мағынаға айналатынын атап өткен имам, білім алу арқылы адам тек өзіне ғана емес, бүкіл қоғамға да пайда әкелетінін айтты. Осы себепті білім ізденуді үлкен сауап ретінде бағалау керектігін баса атап өтті.

ҚМДБ Қарағанды облысы өкілдігінің баспасөз қызметі