Қасиетті Рамазан айының келуін сүйіншілеу, насихат жырдың төресі саналатын игі дәстүріміз – Жарапазанды жаңғырту мақсатында Қазақстан мұсылмандары діни басқармасының Төрағасы, Бас мүфти Наурызбай қажы Тағанұлының бастамасымен облыс мешіттерінде «Айтайық Жарапазан елімізге!» атты эстафета жарияланған болатын.

Он екі айдың сұлтаны болған қасиетті Рамазан айын сүйіншілеу, ұлттық дәстүрімізді дәріптеу мақсатында қолға алынған жарапазан эстафетасын Шет аудандық «Жанқұтты би» мешіті Балқаш өңірінен қабыл алды.

Ұлттық құндылықтарды насихаттауға арналған іс-шараға ауданның дін қызметкерлері мен жамағаты бір ауыздан атсалысып, «Айтайық Жарапазан елімізге!» эстафетасын Ақтоғай ауданына жолдады.

ҚМДБ Қарағанды облысы өкілдігінің баспасөз қызметі