Рамазан айының берекелі күндерінде  Шет ауданына қарасты Ақадыр кентінің «Иса молла» мешітінде әйелдер жамағаты ауызашар дастарханында бас қосты.

Іс-шара барысында жиналған аналар мен қыз-келіншектерге Рамазан айының қадір-қасиеті, ауызашардың сауабы және бірлік пен ізгіліктің маңызы жайлы уағыз-насихат айтылды. Қасиетті айда осылайша бір дастархан басында бас қосқан жамағат рухани әсер алып, шынайы қуанышпен тарқасты.

Жамағат осындай игі іске мұрындық болған мешіт ұжымына ризашылығын білдіріп, ел амандығы мен ауызбіршілік тіледі.

ҚМДБ Қарағанды облысы өкілдігінің баспасөз қызметі