Қасиетті рамазан айының құрметіне орай Қарағанды қалалық “Төлеутай ата” мешіті қала тұрғындарының арасында әлеуметтік эксперимент ретінде «Ораза» туралы сауалнама жүргізді.

Мешіт имамы Рауан Төлеубекұлының мұрындық болуымен өткен шарада мешіт наиб имамы Аширматов Диербек қала тұрғындарына рамазан айына қатысты түрлі сұрақтар қойды.

Сонымен қатар, жергілікті халыққа өзінің ыстық лебізін білдіріп, зәм-зәм суымен құрма тарту етті.

Игі істі жүзеге асырған мешіт дін қызметкерлеріне аймақ халқы алғыстарын білдірді.