Қарағанды қалалық «Төлеутай ата» мешітінің имамы Рауан Төлеубекұлы бастаған дін қызметкерлері Әз-Наурыз мейрамының құрметіне орай қаладағы қарттар үйін зиярат етті.

Іс-шара барысында қарияларды қазақ халқының дәстүрлі мерекесімен құттықтап, оларға өзінің ыстық лебізін білдіріп, насихат айтты.

Пайғамбарымыз Мұхаммед (Алланың оған игілігі мен сәлемі болсын) өзінің өсиетінде: «Мейірімділік көрсетпегенге мейірімділік танытылмайды», деген.

Қазақта «Қарты бардың қазынасы бар» деген керемет сөз бар. Өмір болған соң, түрлі жағдайлар болады. Десе де, қарттарын құрметтеген халқымыздың асыл қасиеті әркез жасай береді.

Мешіттен келген дін қызметкері осындай ақ сақалды аталар мен ақ жаулықты аналарға сый-сияпат жасап, қарияларға өз ата-анасындай қарап отырған ұжым басшысы мен қызметкерлеріне алғыстарын білдірді.

ҚМДБ Қарағанды облысы өкілдігінің баспасөз қызметі