ҚМДБ-ның Қарағанды қалалық «Төлеутай ата» мешітінің ұйымдастыруымен Наурыз мейрамы қарсаңында Әлихан Бөкейхан ауданындағы балалар үйі зиярат етілді.

«Жерде жетім жыласа, көкте періште күңіренеді» дейді қазақ халқы. «Төлеутай ата» мешітінің имамы Рауан Төлеубекұлы бастаған мешіт ұжымы балалар үйіндегі жеткіншектерге қуаныш сыйлап, тәттілер мен жеміс-жидекке толы себеттерді тарту етті.

Сондай-ақ аталмыш ғимараттың басшыларымен, қызметкерлерімен кездесіп, жеткіншектер тәрбиеленіп жатқан мекемеге өзінің батасын беріп, Наурыз мейрамымен құттықтады.

ҚМДБ Қарағанды облысы өкілдігінің баспасөз қызметі