Қарағанды қалалық «Бала қажы» мешіті «Рамазан сыйы» атты қайырымдылық іс-шарасын ұйымдастырды. Әлеуметтік жағдайы төмен, осал топтар мен мүмкіндігі шектеулі біршама жанұяға дастархан жайылып, тәттілер үлестірілді.

Іс-шара барысында Рамазан айында сауапты амал жасауға үгіт-насихат жүргізілді. Демеушілер мен мешіт жамағатының мейірімділігі шексіз. Сондай жомарт жандардың қолдауымен осындай игі іс-шаралар алдағы уақытта да жалғасын табатын болады.

ҚМДБ Қарағанды облысы өкілдігінің баспасөз қызметі