Теміртау қаласының орталық «Әлихан Бөкейхан» мешітінің имамы Ақниет Сәлімбайұлы дін қызметкерлерімен бірге «Ислам және отбасы құндылығы» тақырыбында маңызды семинар ұйымдастырды. Семинарда Исламның отбасы институтына деген көзқарасы мен құндылықтары кеңінен талқыланды.

Имам Ақниет Сәлімбайұлы отбасы — қоғамның негізі, Алла Тағаланың берекесі мен шапағатының бастауы екенін атап өтіп, отбасы мүшелерінің арасындағы сыйластық, түсіністік және сүйіспеншілік жайлы кеңінен уағыздады. Сондай-ақ, исламдағы отбасылық міндеттер мен жауапкершіліктер, ер мен әйелдің рөлі, балаларға тәрбие берудің маңыздылығы туралы да айтылды.

Семинар дін қызметкерлеріне отбасылық қарым-қатынастарды нығайту, қоғамда рухани тұрақтылықты қалыптастыру үшін Исламның құндылықтарын дұрыс түсініп, насихаттау қажеттілігін ұғындырды.

Семинар барысында қатысушылар өз тәжірибелерімен бөлісіп, Исламдағы отбасы құндылықтарын әрдайым жоғары деңгейде сақтап, оларды қоғамда кеңінен тарату үшін күш-жігерін біріктіруге келісті.

ҚМДБ Қарағанды облысы өкілдігінің баспасөз қызметі