«Әл Машани» мешітінде әйел-қыздар жамағатына «Қадір түні мың айдан да қайырлы» тақырыбында тағылымды уағыз-насихат өткізілді.

Қадір түнінің қасиеті мен артықшылығы жайында кеңінен түсіндірілген уағызда бұл түнде адамзат баласына ақ пен қараны ажыратушы әрі тура жол нұсқаушы қасиетті Құран түскені айтылды. Жаратушы Алла Тағала «Дұхан» сүресінің 2-аятында былай деген:

وَالْكِتَابِ الْمُبِينِ
إِنَّا أَنزَلْنَاهُ فِي لَيْلَةٍ مُّبَارَكَةٍ ۚ إِنَّا كُنَّا مُنذِرِينَ
فِيهَا يُفْرَقُ كُلُّ أَمْرٍ حَكِيمٍ

«Айқын Кітаппен ант! Шын мәнінде, Біз оны (Құранды) құтты бір кеште түсірдік. Расында, Біз ескертушіміз. Ол кеште барлық хикметті істер айқындалады».

Сонымен қатар Алла Тағала Қадір түнінің ұлықтығын білдіру үшін арнайы «Қадір» сүресін түсірген:

إِنَّا أَنْزَلْنَاهُ فِي لَيْلَةِ الْقَدْرِ (١)
وَمَا أَدْرَاكَ مَا لَيْلَةُ الْقَدْرِ (٢)
لَيْلَةُ الْقَدْرِ خَيْرٌ مِنْ أَلْفِ شَهْرٍ (٣)
تَنَزَّلُ الْمَلَائِكَةُ وَالرُّوحُ فِيهَا بِإِذْنِ رَبِّهِم مِّن كُلِّ أَمْرٍ (٤)
سَلَامٌ هِيَ حَتَّىٰ مَطْلَعِ الْفَجْرِ (٥)

«Расында, Біз (Құранды) Қадір түні түсірдік. Қадір түнінің не екенін білесің бе? Қадір түні мың айдан да қайырлы. Сол түні Раббысының рұқсатымен Жәбірейіл және басқа да періштелер әртүрлі іс үшін түседі. Таң рауандап атқанға дейін сол түн бейбітшілікке оранады».

Мешіт ұстазы Гүлнұр Қаныбекқызы шәкірттерге Қадір түнінің қадір-қасиетін, маңыздылығын жан-жақты түсіндіріп, сол түнде көбірек құлшылық жасап, кешірім тілеудің маңызын атап өтті.

Сондай-ақ қонақ ретінде келген «Бала қажы» мешітінің ұстазы Фатима Аманболдықызы Рамазан айында салауат айтудың артықшылығы туралы уағыз айтып, қатысушылардың сұрақтарына жауап берді.

ҚМДБ Қарағанды облысы өкілдігінің баспасөз қызметі