Наурыз мерекесінің құрметіне орай Қарағанды облысы, Бұқар жырау аудандық «Жыржыс қажы» мешітінің ұйымдастыруымен асық атудан сайыс өтті.

«Жастар ісі» секторының бастамасымен, «Дін мен дәстүр» бағыты аясында өткен бұл сайысқа мешіт жамағаты мен шәкірттері қатысты.

Шара барысында ұлттық ойын арқылы рухани тәрбие мен салт-дәстүрге деген құрмет ұштастырылып, қатысушылар өзара тартысты ойын көрсетті.

Жеңімпаздарға арнайы мадақтама қағаздары табысталды.

Шараның мақсаты – дін мен дәстүрдің сабақтастығын насихаттау.

ҚМДБ Қарағанды облысы өкілдігінің баспасөз қызметі