Ұлыстың ұлы күнін наурыз көжесіз елестету мүмкін емес. Ақ түйенің қарны жарылатын бұл күнді қазақ халқы ерекше ықыласпен қарсы алады. Дастархан жайылып, небір тіл үйіретін тағамдар дайындалады.

Осы орайда Қарағанды қалалық «Төлеутай ата» мешітінде әз-Наурыз мерекесінің құрметіне орай аймақ жамағатына ұлттық дәміміз – наурыз көже ұсынылды.

Дін мен дәстүрдің құндылығы сабақтасқан бұл шара аймақ имамы Рауан Төлеубекұлының ұйымдастыруымен жүзеге асты.

Ауызашар уақытында наурыз көже ішуге жиналған жамағат бір-біріне «Ақ мол болсын!» деген ізгі тілектерін айтып, ұлттық астан дәм татты.

ҚМДБ Қарағанды облысы өкілдігінің баспасөз қызметі