«Балақажы» мешітінде Рамазан айы мен Ұлыстың ұлы күні — Наурыз мерекесінің қатар келуіне орай ауызашар ұйымдастырылды. Мешіт ұстазы Бақытгүл Айтқалиқызы қажы апалар мен шәкірттерді жинап, Құран хатым дұғасын оқыды.

Сондай-ақ әйел-қыздар жамағатына дін мен дәстүр сабақтастығы жөнінде уағыз айтылды.

Бүгінгі ауызашарда ақ жаулық жамылып, бешпет киген апаларымыз салт-дәстүрімізді жастарға үлгі етті. Қажы апалар еліміздің амандығы үшін дұға етіп, ұйымдастырылған ауызашарға алғыстарын білдірді.

Ұлттық құндылықтарды сақтау және дамыту жолында атқарылып жатқан игі істердің берері мол.

ҚМДБ Қарағанды облысы өкілдігінің баспасөз қызметі