Бұқар жырау ауданына қарасты Көкпекті ауылдық мешітінің имамы Нұржан Оңғарұлы жамағат пен жас шәкірттерге Құран үйрету сабағын тұрақты өткізіп келеді. Сабақ барысында имам тәжуид ережелерін, дұрыс оқу әдістерін үйретіп, жамағаттың сұрақтарына жауап беріп отырады.

Құранға деген махаббатты арттыру, оның мағынасына терең бойлату – Нұржан имамның басты мақсаты. Шәкірттердің ынтасы жоғары, араларында сүрелерді жатқа оқи алатындар да бар. Игі істің нәтижесінде ауылдағы діни сауаттылық артып, мешітке келушілердің де қатары көбейе түскен.

Қасиетті Құран – мұсылман баласының рухани тірегі, иман мен ізгілікке бастар жолы. Бүгінде елімізде Құранды үйреніп, жаттауға ниетті жандардың қатары артып келеді.

ҚМДБ Қарағанды облысы өкілдігінің баспасөз қызметі