Center Image
IHSAN.KZ
«Төлеутай ата» мешітінде сәбилердің тұсауы кесілді
«Төлеутай ата» мешітінде сәбилердің тұсауы кесілді

ҚМДБ Төрағасы, Бас мүфти Наурызбай қажы Тағанұлының бастамасымен жүзеге асып жатқан «Дін мен дәстүр» бағыты аясында Қарағанды облысына қарасты барлық аймақтарда бірқатар игі іс-шаралар ұйымдастырылып келеді.

 

Сол игі бастамалардың бірі Наурыз мерекесі қарсаңында «Төлеутай ата» мешітінде өтті.

Дәстүрімізді дәріптеуді көздеген іс-шараға аймақтық «Төлеутай ата» мешітінің имамы Рауан Төлеубекұлы арнайы қатысып, халқымыздың салт-дәстүрі мен ислам дінінің өзара байланысы жөнінде тағылымды насихат жүргізді.

Шара барысында екі бүлдіршіннің тұсауы кесіліп, ақ жаулықты әжелер шәшу шашты. Қариялар ақ батасын беріп, игі тілек-дұғаларын арнады.

Сонымен қатар, жиналған жұртшылыққа зәм-зәм суы мен құрма ұсынылып, ізгі ниет пен жылы лебіз жолданды.

Игі істі ұйымдастырған мешіт қызметкерлеріне жергілікті халық өз ризашылығын білдірді.

 

ҚМДБ Қарағанды облысы өкілдігінің баспасөз қызметі


Мәзір
Сайт тілі
© 2009 – 2025 IHSAN.KZ | ҚМДБ Қарағанды облыстық «Әнет баба» мешіті Барлық құқықтар қорғалған. Ihsan.kz сайтында жарияланған кез келген материалды көшіру, тарату немесе басқа сайттарға орналастыру кезінде Ihsan.kz сайтына сілтемені міндетті түрде көрсетуді сұраймыз.

© 2025 Сайтты әзірлеген - abir.kz