Теміртау қалалық орталық «Әлихан Бөкейхан» мешітінің имамы Ақниет Сәлімбайұлының бастамасымен Наурыз мерекесіне орай қаладағы қадірлі әжелерге арналып «Әлихан Бөкейхан» мешітінің асханасында ауызашар дастарханы жайылды.

Мешіттің мейірімге толы, жылы қабырғасында өткен бұл игі шара халқымыздың бауырмашылдық, мейірімділік және ізгілікке негізделген дәстүрлерін ұлықтауға бағытталды.

Ұлыстың ұлы күні аясында ақ жаулықты аналар ақ баталарын жаудырып, бір дастарқан басында бас қосып, Наурыздың шынайы рухын жүректерімен сезінді. Бір-біріне ақжарма тілектерін айтып, ізгі ниеттерімен бөлісті.

Бұл тағылымды іс-шара қарияларымызға құрмет көрсетіп қана қоймай, оларды қоғамның маңызды мүшесі екенін сезіндіруге ықпал етті. Сондай-ақ Наурыз мейрамының мәні мен маңызын тереңірек ұғынуға жол ашты.

ҚМДБ Қарағанды облысы өкілдігінің баспасөз қызметі