Теміртау қалалық орталық «Әлихан Бөкейхан» мешітінің имамы Ақниет Сәлімбайұлының бастамасымен Наурыз мерекесіне орай қаладағы қадірлі ақсақалдарға арнайы ауызашар дастарханы жайылды.

⠀
Мешіттің асханасы мерекеге сай безендіріліп, қарияларға ерекше құрмет көрсетілді. Жылы шыраймен қарсы алған мешіт қызметкерлері қарттарымызға айрықша ілтипат білдіріп, мейірімге толы көңіл күй сыйлады.

Ақсақалдар Ұлыстың ұлы күнінде бір дастарқан басында бас қосып, бір-біріне ізгі тілектерін арнады. Олар Наурыздың мән-маңызын еске түсіріп, салт-дәстүріміздің құндылықтарын жаңғыртты.
Бұл игі бастама қоғамда үлкенге құрмет көрсету мәдениетін нығайтып, қариялардың қадірін арттыра түсті.
⠀

ҚМДБ Қарағанды облысы өкілдігінің баспасөз қызметі