Қарағанды қалалық «Әл-Машани» мешітінің имамы Сайлау Жұмағұлұлының ұйымдастыруымен қасиетті Рамазан айының құрметіне «Тегін такси» қайырымдылық акциясы өткізілді.
⠀

Игі бастама аясында ауызашар уақытына үлгермей жатқан тұрғындар мен мұқтаж жандарға тегін такси қызметі ұсынылып, олардың мекенжайына дейін жеткізілуіне жағдай жасалды.

Бұл іс-шара Рамазан айының рухына сай мейірім мен қамқорлықты дәріптеуді, сондай-ақ көпшілікке дініміздегі жанашырлық пен ізгіліктің мәнін сезіндіруді мақсат етті.
Жолаушылар игі іске ұйытқы болған мешіт имамы мен ерікті азаматтарға алғыстарын білдіріп, шараның маңыздылығын ерекше атап өтті.
⠀
ҚМДБ Қарағанды облысы өкілдігінің баспасөз қызметі