ҚМДБ Төрағасы, Бас мүфти Наурызбай қажы Тағанұлының бастамасы аясында жүзеге асып келе жатқан игі дәстүр – «Тегін такси» қайырымдылық акциясы Теміртау қалалық «Жақып Ақбай» мешітінде жалғасын тапты.
⠀
Теміртау қалалық орталық «Әлихан Бөкейхан» мешітінің имамы Ақниет Сәлімбайұлының ұйымдастыруымен өткен бұл қайырымдылық іс-шараға мешіт қызметкерлері мен ерікті жамағат белсене атсалысты.
Қасиетті Рамазан айының құрметіне орай ұйымдастырылған «Тегін такси» акциясы ауызашар уақытына асыққан жамағатты межелі жерлеріне тегін жеткізуді мақсат етті.
Жақсылықты насихаттаған бұл бастама жамағат арасында ризашылыққа бөленіп, алдағы күндері де жалғасын табатын болады.
⠀
ҚМДБ Қарағанды облысы өкілдігінің баспасөз қызметі