Қаһарлы қыстың ызғары қайтқанымен, көктеммен бірге құлшылық ордалары үшін жаңа табиғи сын басталады. Күмбездердің ойықты құрылымына байланысты мешіт төбесіне жиналған қалың қар көктемде еріп, ішке су сорғалауы мүмкін. Мұндай жағдайдың алдын алу үшін тұрақты тазалық жұмыстары маңызды.

Осыған орай Бұқар жырау аудандық «Жыржыс қажы» мешітінде әр апта сайын сенбілік жұмыстары ұйымдастырылып келеді.
Сенбі күндері мешіт қызметкерлері, шәкірттер тобы мен жамағат жұмыла сауапты іске атсалысып, сүйікті құлшылық ордасының тазалығы мен қауіпсіздігіне үлес қосып жатыр.

Игі бастама алдағы апталарда да жалғасын тауып, мешіт аумағында көктемгі тазалық жұмыстары жүйелі түрде жүргізіледі.
⠀
ҚМДБ Қарағанды облысы өкілдігінің баспасөз қызметі