Қарағанды қалалық «Төлеутай ата» мешітінде әйел-қыздар секторының ұйымдастыруымен ақида пәнінен білім сайысы ұйымдастырылды.

Мешіт имамы Рауан Төлеубекұлының бастамасымен және мешіт ұстазы Фатима Аманболдықызының ұйымдастыруымен өткен білім сайысына қала мешіттерінің шәкірттері қатысып, ақида пәні бойынша білімдерін ортаға салды.

Сайысқа Қарағанды облыстық «Әнет баба» мешітінің ұстазы Арай Серғалиқызы арнайы келіп, қазылық етті. Сонымен қатар, қатысушыларға «Исламдағы әдеп» тақырыбында тағылымды насихат айтып, рухани мотивация берді.

Білім сайысының жеңімпаздары алғыс хаттармен және қаржылай сыйлықтармен марапатталды.

ҚМДБ Қарағанды облысы өкілдігінің баспасөз қызметі