Қарағанды қалалық «Төлеутай ата» мешітінің қызметкерлері мен жамағаты сенбілікке шықты.

Ислам – тазалық діні. Мұсылман баласы жан-дүниесі мен тәнін ғана емес, айналасын да таза ұстауға міндетті. Ұқыптылық пен тазалыққа үндейтін бұл игі іс осы ұстанымды айқындай түседі.

Қала имамы Рауан Төлеубекұлының бастамасымен мешіт ұжымы мен жамағаты құлшылық үйінің аумағын тазалап, сенбілік жұмыстарын жүргізді. Іс-шара барысында мешіт маңы ретке келтіріліп, қоршаған орта жанға жайлы көріктендірілді.

ҚМДБ Қарағанды облысы өкілдігінің баспасөз қызметі