Қарағанды облыстық «Әнет баба» мешітінде аймағымыздың бас имамы Естай Айтуғанұлының төрағалығымен Қадір түні мен Рамазан айт мейрамын өткізуге байланысты Қарағанды қалалық мешіттерінің имамдары бас қосқан жиын ұйымдастырылды.

Жиын барысында қасиетті Қадір түнін ұйымдастыру, жамағатқа қолайлы жағдай жасау, уағыз-насихаттың жүйелі жүргізілуі, демеушілердің қолдауымен жиналған жамағатқа ауызашар мен сәресі беру, мешіт ауласын мерекеге сай безендіру сынды мәселелер жан-жақты талқыланды.

Сонымен қатар Рамазан айт намазын өткізу тәртібі мен айт күнгі мерекелік іс-шараларды үйлестіру бағытында нақты тапсырмалар берілді.

Еліміздегі барлық мешіттерде Қадір түні биыл наурыздың 26-нан 27-не қараған түні аталып өтеді. Бұл кеште Қарағанды облысындағы мешіттерде арнайы уағыздар айтылып және дұғалар жасалады.

29 наурыз – биылғы Рамазан айының соңғы күні. Ал ораза айт намазы Қарағанды қаласында 30 наурыз күні таңғы сағат 07:00-де оқылады.

Айт күні Қарағанды облыстық «Әнет баба» мешітінің ауласында ұлттық дәстүрімізді дәріптейтін ойындар өткізіледі. .

Бұл күні өңірдегі барлық мешіттер өз мүмкіндіктеріне орай айтулы мерекені атап өтеді..