Шахтинск қалалық «Нұр» мешітінде имам Мәулен Әбілхайыр Кәсенұлының ұйымдастыруымен шәкірттер арасында «Алланың 99 көркем есімін» жатқа айтудан рухани-танымдық сайыс өтті. Аталған іс-шара шәкірттердің діни білімін шыңдап, Жаратушының көркем есімдерін жаттау арқылы жүректеріне имани тәрбие ұялату мақсатында ұйымдастырылды.

Сайысқа Шахтинск және Саран қаласының мешіт шәкірттері қатысып, білімдерін ортаға салып, жаттау қабілеттерін көрсетті. Шәкірттердің өнеріне қазылар алқасы ретінде Шахтинск қалалық «Нұр» мешітінің бас имамы Мәулен Әбілхайыр Кәсенұлы, мешіт азаншысы Нұрғали Байкешев және Саран қалалық мешітінің азаншысы Ерболат Дәуіржан төрелік етті.

Жарыс нәтижесінде Шахтинск қалалық «Нұр» мешітінің шәкірттері келесідей жүлделі орындарды иеленді:

1-орын – Үркімбаева Гүлдерайым;
2-орын – Имаш Данияр мен Қожатай Ханшайым;
3-орын – Тұрдыбеков Қыдырбек.

Сондай-ақ Саран қалалық мешітінің шәкірттері де жоғары нәтиже көрсетіп, жүлделі орындардан көрінді:

Бас жүлде – Мұхаммедқали Омар;
3-орын – Серік Ислам.

Жеңімпаздар мен жүлдегерлерге арнайы дипломдар мен қаржылай сыйлықтар табысталды.

Бұл игі іс-шара шәкірттердің діни сауатын арттырып, рухани дамуына оң әсерін тигізгені сөзсіз. Ұйымдастырушылар аталған сайысты дәстүрлі түрде жыл сайын өткізу жоспарларында бар екенін айтып, сайысқа қатысқан шәкірттерге алғыстарын білдірді.

ҚМДБ Қарағанды облысы өкілдігінің баспасөз қызметі