Қарағанды қалалық «Бұқар Жырау» мешітінде қасиетті жұма күні екі азамат Ислам дінін қабылдап, калима айтты.

Жұма намазына жиналған жамағат алдында калима-шаһадат айтып, хақ дінге қадам басқан қос азаматты мешіттің найб имамы Медет Сұлтанұлы қабылдап алды.

Наиб имам Ислам дінінің негізгі шарттары мен мұсылман адамның міндеттері, шариғат аясында ұстанатын әдептер жайында тағылымды уағыз-насихат айтты.

Мешіт жамағаты жаңадан мұсылман атанған бауырларын құттықтап, ақсақалдар ақ батасын берді.

ҚМДБ Қарағанды облысы өкілдігінің баспасөз қызметі