Қарағанды облысы, Бұқар жырау ауданына қарасты Үштөбе ауылдық «Қажыбай қажы» мешітінде қасиетті Қадір түнінің құрметіне арнайы іс-шара өтті.
Жамағат алдында мешіт имамы Қадір түнінің қадір-қасиеті, бұл түннің ерекшелігі және жасалатын құлшылықтардың сауабы туралы кеңінен уағыз-насихат айтты.
Имам өз сөзінде мың айдан қайырлы болған Қадір түнін құлшылықпен өткізудің артықшылықтарына тоқталып, жиналған жамағатты осы мүмкіндікті тиімді пайдаланып қалуға шақырды.
Жиналған қауым уағыз-насихаттан кейін арнайы дұға жасап, ел мен жерге береке, амандық тіледі.
ҚМДБ Қарағанды облысы өкілдігінің баспасөз қызметі