Бұқар жырау ауданы, Көкпекті ауылдық мешітінің имамы Нұржан Оңғарұлының ұйымдастыруымен мешіт асханасында жамағатқа арнайы ауызашар берілді.

Берекелі дастарқанға жиналған ауыл тұрғындарына имам қасиетті Рамазан айының екінші онкүндігінің маңыздылығы туралы уағыз-насихат айтып, бұл күндердің күнәларға кешірім сұрап, Алла Тағаланың рақымына бөленетін ерекше уақыт екенін жеткізді.

Жиналған жамағат бірлесіп дұға жасап, елдің тыныштығы мен ауызбіршілігіне тілек білдірді.

ҚМДБ Қарағанды облысы өкілдігінің баспасөз қызметі