Рамазан айының соңғы он түнінің ішіне жасырынған аса қасиетті Қадір түні Қарағанды қалалық «Төлеутай ата» мешітінде ерекше ықыласпен, жоғары деңгейде аталып өтті.

Жылына бір рет келетін бұл берекелі кеште мешіттің бас имамы жамағатты Қадір түнімен құттықтап, оның мәні мен маңызы жайында тағылымды уағыз-насихат айтты.

Игі кеште жамағатқа ауызашар тағамдары үлестіріліп, қасиетті түнде Құран оқылып, дұға-тілектер жасалды. Құран Кәрім толық хатым етіліп, жамағатпен бірге тарауық намазы оқылды.

Алланың үйіне жиналған мұсылман қауымы бұл түнде еліміздің амандығын, жеріміздің тыныштығын, халқымыздың бірлігі мен берекесін тілеп, жүрек түкпіріндегі ізгі ниеттерін Жаратқанға арнады.

ҚМДБ Қарағанды облысы өкілдігінің баспасөз қызметі