Қасиетті Қадір түнінің құрметіне орай Қарағанды қалалық «Төлеутай ата» мешітінің ауласында арнайы ас әзірленіп, кешке жиналған жамағатқа ауызашар тағамдары үлестірілді.

Игі шара аймақ жамағаты мен демеушілердің қолдауымен және мешіт шәкірттерінің белсенді атсалысуымен жүзеге асты.

Пайғамбарымыз Мұхаммед (с.ғ.с.): «Аузы берік жанды ауызашарға шақырып тамақ берген кісі – ораза ұстаған адамның алатынындай сауап алады. Аузы берік адамның сауабынан да еш нәрсе кемімейді», – деген.

Алла Тағала қасиетті айда жасаған барша игі амалдарымызды қабыл етсін! Әмин!

ҚМДБ Қарағанды облысы өкілдігінің баспасөз қызметі