Қасиетті Рамазан айы бойы Қарағанды қалалық «Төлеутай ата» мешітінде тарауық намазын өткізген қари жамағат тарапынан ерекше құрметке бөленді.

Қадір түніне жиналған жамағат алдында мешіттің бас имамы Рауан Төлеубекұлы қасиетті айда Құранмен ұйытқан қариға шынайы алғысын білдіріп, 700 000 теңге көлемінде қаржылай сертификат табыстады.

Сондай-ақ, берекелі кеш барысында аймақ жамағаты асыл дініміздің өркендеуі жолында сүбелі еңбек етіп жүрген Қарағанды қалалық «Төлеутай ата» мешітінің имамы Рауан Төлеубекұлына алғыс білдіріп, Ұмра қажылығына жолдама тарту етіп, қазақы дәстүрмен иығына шапан жапты.

Тарауық намазын жүргізген өзге қарилар да жамағат ықыласына бөленіп, дәстүрге сай иықтарына шапан жамылды.

Игі кештің соңында мешіт ақсақалдары бата беріп, ата-баба рухына Құран бағышталды.

ҚМДБ Қарағанды облысы өкілдігінің баспасөз қызметі