Теміртау қаласына қарасты Ақтау кентінің мешітінде Қадір түнінде Рамазан айында оқылған Құран хатымының хатым дұғасы жасалды. Діни іс-шараны осы мешіттің имамы Фазылахмад Асламденұлы ұйымдастырды.

Айлардың сұлтаны болған Рамазан айында жамағатпен күн сайын Құран оқылып, қасиетті түнде Құран хатым дұғасы жасалды. Құранды бастан-аяқ оқып, хатымға үлес қосқан қариға шапан жабылып, сый-құрмет көрсетілді.

Іс-шара соңында жамағат Қадір түнінің қадір-қасиетін насихаттап, ел амандығы мен мұсылман үмбетінің бірлігі үшін Құран оқып, ниет етті. 

ҚМДБ Қарағанды облысы өкілдігінің баспасөз қызметі