Қарағанды облысы, Бұқар жырау аудандық «Жыржыс қажы» мешітінде қасиетті Қадір түні жоғары деңгейде ұйымдастырылды.

Рухани кеш барысында ауданның бас имамы Рүстем Мұратұлы жамағатты берекелі түнмен құттықтап, Қадір түнінің қадір-қасиеті жайлы әсерлі уағыз-насихат айтты.

Кеш аясында бір ай бойы Құран дәрістеріне қатысып, сауат ашқан шәкірттер арнайы алғыс хаттармен марапатталды.

Сондай-ақ, тарауық намазына бір ай бойы үзбей қатысып, белсенділік танытқан мешіт ақсақалына аудан имамы Рүстем Мұратұлы ризашылығын білдіріп, алғыс хат табыстады.

Жиын Құран оқумен жалғасып, дұғалар жасалды. Жамағат осынау қасиетті түннің рухани шуағына бөленіп, айрықша әсер алды.

ҚМДБ Қарағанды облысы өкілдігінің баспасөз қызметі