Қасиетті Қадір түнінің құрметіне орай Қарағанды қалалық «Хазрет Али» мешітінде жамағатқа арналған ауызашар дастарханы жайылды.

Рухани іс-шара барысында мешіт имамы Ербол Мұқанұлы «Қадір түнінің қасиеті» тақырыбында насихат айтып, жиналған жамағатты құлшылыққа, ізгілікке үндеді.

Кештің рухани мазмұны Құран оқумен жалғасып, ата-баба рухына дұға бағышталды. Қасиетті түннің маңызын терең ұғынған жамағат Алланың мейірімі мен кешіріміне бөленуді тілеп, дұғада бас қосты.

ҚМДБ Қарағанды облысы өкілдігінің баспасөз қызметі