Қарағанды қалалық «Хазрет Али» мешітінде қасиетті Қадір түні жоғары деңгейде аталып өтті. Берекелі кеш барысында мешіт имамы Ербол Мұқанұлы жергілікті жамағатты қасиетті түнмен құттықтап, әсерлі насихат айтты.

Бағдарламаға сай құптан және тарауық намаздары жамағатпен бірге оқылып, кейіннен Қадір түнінің қасиеті, артықшылығы және ерекшелігі жайлы уағыз-насихат жүргізілді.

Одан кейін жамағаттың еркін құлшылық жасауына уақыт берілді. Сонымен қатар, мешіт жамағаты арасында Ислам тақырыбына байланысты қызықты сұрақ-жауаптар ұйымдастырылды. Берекелі ай бойы мешітте тарауық намазын жүргізген қарилар жамағат құрметіне бөленді.

Кеш соңында мешіт имамы Қадір түніне арналған дұға жасап, барша мұсылман қауымына денсаулық, отбасына амандық, елімізге тыныштық, мемлекетімізге бақ пен береке тіледі.

ҚМДБ Қарағанды облысы өкілдігінің баспасөз қызметі