Қарағанды облысы, Шет ауданына қарасты Ақжал кенті мешітінің имамы Абильмашев Богдан Насырұлының ұйымдастыруымен қасиетті Қадір түні жоғары деңгейде аталып өтті.

Ауыл имамы жиналған жамағатты қасиетті түнмен құттықтап, насихат айтты.

Бір ай бойы тарауық намазын өткізген қарилар құрметке бөленді.

Рухани кеш аясында мешіт шәкірттері арасында «Құран – мәңгі мұғжиза» атты Құран сайысы ұйымдастырылды.

Жеңімпаздар құнды сыйлықтармен марапатталды.

Сонымен қатар, ауыл мешітінің күрделі жөндеу жұмыстарына атсалысқан мешіт жанашырларына алғыс хаттар табысталды.

ҚМДБ Қарағанды облысы өкілдігінің баспасөз қызметі