Center Image
IHSAN.KZ
«Әл Машани» мен «Қажыбай қажы» мешіттері «Рамазанда келген Әз-Наурыз» атты рухани кеш өткізді
«Әл Машани» мен «Қажыбай қажы» мешіттері «Рамазанда келген Әз-Наурыз» атты рухани кеш өткізді

«Әл Машани» мешіті мен Үштөбе ауылындағы «Қажыбай қажы» мешітінің әйел-қыздар жамағаты қасиетті Рамазан айымен тұспа-тұс келген Наурыз мейрамын «Рамазанда келген Әз-Наурыз» атты рухани-танымдық іс-шарамен атап өтті.

 

Іс-шараға мешіт ұстазы Гүлнұр Қаныбекқызы мұрындық болып, екі мешіттің әйел-қыздар қауымын ортақ рухани кешке біріктірді.

Кеш барысында қазақтың салт-дәстүрі дәріптеліп, ұлттық құндылықтар насихатталды. Қыз-келіншектер арасында түрлі сайыстар ұйымдастырылды. Жас қыздар діни сұрақтарға жауап беруден жарысса, келіншектер нан илеп, кесу шеберлігін көрсетті. Ал әжелер ұршық иіруден сайысқа түсті.

Барлық қатысушыларға ынталандыру сыйлықтары табысталды. Кеш соңында ұлттық нақышта киінген үш шәкірт ерекше аталып, арнайы сыйлықтармен марапатталды.

Іс-шара соңында ауызашар дастарханы жайылып, жамағат бірлік пен берекенің лебін сезінді.

 

ҚМДБ Қарағанды облысы өкілдігінің баспасөз қызметі


Мәзір
Сайт тілі
© 2009 – 2025 IHSAN.KZ | ҚМДБ Қарағанды облыстық «Әнет баба» мешіті Барлық құқықтар қорғалған. Ihsan.kz сайтында жарияланған кез келген материалды көшіру, тарату немесе басқа сайттарға орналастыру кезінде Ihsan.kz сайтына сілтемені міндетті түрде көрсетуді сұраймыз.

© 2025 Сайтты әзірлеген - abir.kz