Қасиетті Рамазан айының құрметіне орай Қарағанды қаласындағы «Әл-Ғаффар» мешітінің әйел-қыздар жамағаты мешіттің бас имамы Оралбай Ермахан Әділбекұлының бастамасымен «Рақым жауған Рамазан» атты рухани ауызашар іс-шарасын өткізді.

Кештің шымылдығын «Қазыбек би» мешітінің ұстазы Балауса ұстаз Құран аяттарымен ашты. Артынша «Әл-Ғаффар» мешітінің ұстазы Азамат Төлеухан жамағатқа жүрекке жеткен әсерлі уағызын арнады.

Ауызашарға 50-ге жуық адам қатысып, рухани кештен ерекше әсер алды. Іс-шара аясында викториналық ойындар ұйымдастырылып, «Мені құтқарған Рамазан» атты сахналық қойылым жамағаттың көңілінен шықты.

Сондай-ақ «Әл-Машани» мешітінің ұстазы Бақытгүл ұстаз бен «Бала қажы» мешітінің ұстазы Фатима ұстаз да жамағатқа насихат айтып, діни білімдерімен бөлісті.

Бұл рухани ауызашар – жамағатты иман мен бірлікке үндеген, жүректерге ізгілік ұялатқан тағылымды кештердің бірі болды.

ҚМДБ Қарағанды облысы өкілдігінің баспасөз қызметі