Қарағанды облысы, Абай аудандық орталық мешітінде қасиетті Рамазан айы бойы тарауық намазын жүргізген қариға жамағат алдында құрмет көрсетілді.

Ауданның бас имамы Асхат Қанайұлы жамағатты берекелі Рамазан түндерімен құттықтап, өзінің жүрекжарды лебізін жеткізді. Бұдан кейін тарауық намазын оқытқан қариға шапан жауып, қаржылай сыйлық табыстады.

Ізгі дәстүрге сай мешіт ақсақалдары бата беріп, елдің амандығы мен жердің тыныштығы үшін дұға жасады.

ҚМДБ Қарағанды облысы өкілдігінің баспасөз қызметі