Қазақстан мұсылмандары діни басқармасы мен Түркия дін істер басқармасы арасындағы өзара келісім аясында Түркияның «Хасеки» институтында қазақстандық шәкірттер діни білім алып жатыр.

Шет елде білім алып жүрген шәкірттерге қолдау көрсету мақсатында Қарағанды қалалық «Төлеутай ата» мешітінің бас имамы Рауан Төлеубекұлының ұйымдастыруымен Түркиядағы қазақстандық студенттерге ауызашар дастарханы жайылды.

Игі істі ұйымдастырған мешіт имамы Рауан Төлеубекұлы шәкірттермен онлайн байланысқа шығып, қасиетті Рамазан айымен құттықтап, рухани насихат айтты.

Шәкірттер көрсетілген құрмет пен ізгі ниетке ризашылықтарын білдіріп, алғыстарын жеткізді.

ҚМДБ Қарағанды облысы өкілдігінің баспасөз қызметі