Бұқар жырау ауданы, Үштөбе ауылдық «Қажыбай қажы» мешітінде қасиетті Қадір түні Құран хатым дұғасы оқылып, жамағатпен бірге елдің амандығы мен берекесі үшін дұға жасалды.

Мешіттің діни қызметкерлері Құран хатымның мұсылман өміріндегі рухани маңызына тоқталып, қасиетті Құранды оқу және жүрекке тоқу – үлкен сауапқа кенелтетін амал екенін атап өтті.

Құран хатымын толық оқып бітірген қариға мешіт жамағаты құрмет көрсетіп, қазақы дәстүрге сай иығына шапан жауып, алғыстарын білдірді.

ҚМДБ Қарағанды облысы өкілдігінің баспасөз қызметі