Center Image
IHSAN.KZ
Қарағандыда Ораза айт намазы оқылды
Қарағандыда Ораза айт намазы оқылды

Қасиетті Рамазан айынан кейінгі Ораза айт намазы Қарағандыда таңғы сағат 7:00-де оқылды. Бұл күні 10 мыңға жуық жамағат облыстық «Әнет баба» мешітіне жиналып, мешітке сыймаған халық ашық аспан астында  сап түзеп, айт намазын бірге оқыды.

 

Айт намазының алдында Қарағанды облысының бас имамы Естай Айтуғанұлы жамағатқа айттың мәні мен маңызы жайлы насихат айтып, Рамазан айында атқарылған сауапты амалдардың қабыл болуын тілеп, еліміздің амандығына, жеріміздің тыныштығына, асыл дініміздің өркендеуіне дұға жасады. Сонымен қатар ақсақалдар «Оразадан оразаға, айттан айтқа аман-есен жете берейік» деп, бата берді.

 

Айт намазынан кейін жамағат бір-бірін құттықтап, мейірім мен рухани қуанышқа толы ұлық күннің шапағатын бірге сезінді.


Мәзір
Сайт тілі
© 2009 – 2025 IHSAN.KZ | ҚМДБ Қарағанды облыстық «Әнет баба» мешіті Барлық құқықтар қорғалған. Ihsan.kz сайтында жарияланған кез келген материалды көшіру, тарату немесе басқа сайттарға орналастыру кезінде Ihsan.kz сайтына сілтемені міндетті түрде көрсетуді сұраймыз.

© 2025 Сайтты әзірлеген - abir.kz