Қасиетті Рамазан айының аяқталуына орай Қарағанды облыстық «Әнет баба» мешітінде Құран хатым жасаған қариларға ерекше құрмет көрсетілді. Ұлық айда әр түнде тарауық намазын жүргізіп, Құран Кәрімді әуезді мақаммен толық хатым еткен қариға жамағат атынан алғыс айтылып, сый-құрмет ұсынылды.

ҚМДБ Қарағанды облысы бойынша бас имамы Естай Айтуғанұлы қариға 3 миллион теңге көлемінде сыйақы табыстады. Сондай-ақ, қарилардың иығына шапан жабылып, жамағат шынайы ризашылықтарын білдірді.

Қарилардың Құран оқудағы көркем мақамы мен шынайы ықыласы жамағатты тәнті етті. Мешітке жиналған жұртшылық ораза айында өздерімен бірге болып, тарауық жүргізген қариға сәттілік тіледі.