Қарағанды облысы өкілдігінің ұйымдастыруымен «Әнет баба» мешітінде Ораза айт мерекесіне орай «Ораза айт құтты болсын» атты балаларға арналған мерекелік іс-шара өткізілді

Іс-шараға 50-ге жуық бүлдіршін қатысты. Балалар мейрамының алғысөзі Қарағанды облысының бас имамы Естай Айтуғанұлына берілді. Бас имам өз сөзінде балаларды айт мерекесімен құттықтап, олардың иманды, отансүйгіш ұрпақ болып өсуіне тілектестік білдірді.

Мереке аясында кішкентай қонақтарға Ораза айтының құрметіне тәттілер мен арнайы дайындалған сыйлықтар үлестірілді. Сонымен қатар аниматорлар шақырылып, балаларға арналған театрландырылған қойылымдар қойылып, қызықты ойындар ойнатылды. Балғындардың жүзінде шаттық пен қуаныш ойнап, ата-аналард ұйымдастырушыларға ризашылығын білдірді.

Іс-шара соңында барлық қатысушыларға арналып мерекелік дастархан жайылды.

Мерекелік бағдарламаның негізгі мақсаты – балалардың бойына Ораза айтының мәні мен маңызын кішкентайынан сіңіру, рухани құндылықтарын насихаттау болды. Бүлдіршіндерге қуаныш сыйлаған игі іске Қарағанды облысы өкілдігінің Әйгерім Берікболқызы бастаған «Әйелдер-қыздар секторы» мұрындық болды.

Ұйымдастырушылар алдағы уақытта да осындай тағылымы мол жобаларды жүйелі түрде өткізуді жоспарлап отыр.

ҚМДБ Қарағанды обылысы өкілдігіінің баспасөз қызметі