Ораза айт — бір ай бойы ықыласпен ораза ұстап, қайырлы істерге ұмтылған жандардың марапатқа кенелетін мерейлі шағы.

Барша мұсылман асыға күтетін ұлық мереке – Ораза айт күні Қарағанды қалалық «Төлеутай ата» мешітінің ауласында арнайы мерекелік ас берілді.

Алла үйіне жиналған жамағатқа ыстық палау үлестіріліп, айт мейрамы жоғары деңгейде атап өтілді.

Игі әрі рухани мазмұндағы іс-шараға өңір еріктілері мен дін қызметкерлері белсене атсалысты. Әдеттегідей, мереке жамағаттың жүзіндегі қуанышпен, ықылас-ниетімен ерекше әрленді.

ҚМДБ Қарағанды облысы өкілдігінің баспасөз қызметі