Ұлық мейрам – Ораза айттың құрметіне Қарағанды қалалық «Төлеутай ата» мешітінде бүлдіршіндерге арналған мерекелік шара ұйымдастырылды.

Аниматорлар бүлдіршіндерге арнайы бағдарлама ұсынып, көңілді ойындар ойнатты. Балалар шат-шадыман күлкіге бөленіп, айттың қуанышын ерекше сезінді.

Қалалық мешіттің имамы Рауан Төлеубекұлы жеткіншектерді мейраммен құттықтап, ізгі тілегін білдіріп, ақ батасын берді.

Іс-шараның негізгі мақсаты – жас ұрпақтың бойына асыл дініміздің құндылықтарын сіңіру, ұлық мерекенің мәні мен маңызын терең ұғындыру.

ҚМДБ Қарағанды облысы өкілдігінің баспасөз қызметі