Қасиетті Рамазан айының құрметіне Әбілқас Сағынов атындағы Қарағанды техникалық университетінде студенттерге арналған ауызашар берілді.

Ауызашарға Қарағанды облысының Қазақстан халқы Ассамблеясы мүшелері, университеттің Басқарма төрағасы – ректор Сауле Сағынтаева бастаған ЖОО басшылығы және жатақханада тұратын 300-ге жуық студент қатысты.

Іс-шара барысында Қарағанды облыстық «Әнет баба» мешітінің ұстазы Кемербай Данияр Ерікұлы «Дәстүрлі исламның маңыздылығы» және «Жат ағымның белгілері» жайлы талқылап, түсіндіріп берді. 

Кездесу соңында студенттердің көкейінде жүрген жат ағымға қатысты сауалдарына жауап беріп, рухани бағыт-бағдар көрсетті.

ҚМДБ -ның Қарағанды облысы бойынша баспасөз қызметі